Psa 98 | CopSahBible2 | STEP | ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡϫⲟⲉⲓⲥ ⲁϥⲣⲣⲣⲟ ⲙⲁⲣⲉⲛⲗⲁⲟⲥ ⲛⲟⲩϭⲥ ⲡⲉⲧϩⲙⲟⲟⲥ ⲉϩⲣⲁⲓ ⲉϫⲛ ⲛⲉⲭⲉⲣⲟⲩⲃⲓⲛ ⲙⲁⲣⲉⲡⲕⲁϩ ⲕⲓⲙ

Psalms 98

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡϫⲟⲉⲓⲥ ⲁϥⲣⲣⲣⲟ ⲙⲁⲣⲉⲛⲗⲁⲟⲥ ⲛⲟⲩϭⲥ ⲡⲉⲧϩⲙⲟⲟⲥ ⲉϩⲣⲁⲓ ⲉϫⲛ ⲛⲉⲭⲉⲣⲟⲩⲃⲓⲛ ⲙⲁⲣⲉⲡⲕⲁϩ ⲕⲓⲙ 2 ⲟⲩⲛⲟϭ ⲡⲉ ⲡϫⲟⲉⲓⲥ ϩⲛ ⲥⲓⲱⲛ ⲉϥϫⲟⲥⲉ ⲉϫⲛ ⲛⲗⲁⲟⲥ ⲧⲏⲣⲟⲩ 3 ⲙⲁⲣⲟⲩⲟⲩⲱⲛϩ ⲉⲃⲟⲗ ⲙⲡⲉⲕⲛⲟϭ ⲛⲣⲁⲛ ϫⲉ ⲟⲩϩⲟⲧⲉ ⲡⲉ ⲁⲩⲱ ϥⲟⲩⲁⲁⲃ 4 ⲁⲩⲱ ⲡⲧⲁⲉⲓⲟ ⲛⲟⲩⲣⲣⲟ ⲡⲉ ⲙⲉⲣⲉⲡϩⲁⲡ ⲛⲧⲟⲕ ⲁⲕⲥⲃⲧⲉⲡⲥⲟⲟⲩⲧⲛ ⲛⲧⲟⲕ ⲡⲉⲛⲧⲁⲕⲣⲡϩⲁⲡ ⲙⲛ ⲧⲇⲓⲕⲁⲓⲟⲥⲩⲛⲏ ϩⲛ ⲓⲁⲕⲱⲃ 5 ϫⲉⲥⲧⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲧⲉⲧⲛⲟⲩⲱϣⲧ ⲙⲡϩⲩⲡⲟⲡⲟⲇⲓⲟⲛ ⲛⲛⲉϥⲉⲩⲉⲣⲏⲧⲉ 6 ϫⲉ ⲙⲱⲩⲥⲏⲥ ⲟⲩⲁⲁⲃ ⲙⲛ ⲁⲁⲣⲱⲛ ϩⲛ ⲛⲉϥⲟⲩⲏⲏⲃ ⲁⲩⲱ ⲥⲁⲙⲟⲩⲏⲗ ϩⲛ ⲛⲉⲧⲉⲡⲓⲕⲁⲗⲉⲓ ⲙⲡⲉϥⲣⲁⲛ ⲁⲩⲱϣ ⲉϩⲣⲁⲓ ⲉⲡϫⲟⲉⲓⲥ ⲁⲩⲱ ⲛⲧⲟϥ ⲁϥⲥⲱⲧⲙ ⲉⲣⲟⲟⲩ 7 ⲁϥϣⲁϫⲉ ⲛⲙⲙⲁⲩ ϩⲛ ⲟⲩⲥⲧⲩⲗⲟⲥ ⲛⲕⲗⲟⲟⲗⲉ ⲁⲩϩⲁⲣⲉϩ ⲉⲛⲉϥⲙⲛⲧⲙⲛⲧⲣⲉ ⲁⲩⲱ ⲛⲉϥⲡⲣⲟⲥⲧⲁⲅⲙⲁ ⲉⲛⲧⲁϥⲧⲁⲁⲩ ⲛⲁⲩ 8 ⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲧⲟⲕ ⲉⲛⲧⲁⲕⲥⲱⲧⲙ ⲉⲣⲟⲟⲩ ⲡⲛⲟⲩⲧⲉ ⲛⲧⲟⲕ ⲉⲛⲧⲁⲕⲕⲱ ⲛⲁⲩ ⲉⲃⲟⲗ ⲁⲕⲉⲓⲣⲉ ⲙⲡⲉⲕⲃⲁ ⲛⲛⲉⲩϩⲃⲏⲩⲉ ⲧⲏⲣⲟⲩ 9 ϫⲉⲥⲧⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲧⲉⲧⲛⲟⲩⲱϣⲧ ⲙⲡⲉϥⲧⲟⲟⲩ ⲉⲧⲟⲩⲁⲁⲃ ϫⲉ ϥⲟⲩⲁⲁⲃ ⲛϭⲓ ⲡϫⲟⲉⲓⲥ ⲡⲉⲛⲛⲟⲩⲧⲉ